Lo punt sus la preséncia occitana
pendent lo 8,9,10 d’agost de 2003 sul Larzac
Communiqué du 14/08/03
Redactor Joan-Daniel Esteve
La preséncia occitana e lo trabalh dels òmes e femnas d'Occitània sul
Larzac foguèt una brava capitada pendent los 3 jorns.
Cadun (que foguèsse present o que foguèsse per la preparacion en amont
sens poder venir) partcipèt a de bon per rendre vesedor l'occitan
a tots los nivèls: associatiu, politic, cultural, musical, artistica,
teatral, contes, debat-Forum, drapèus, e tanben al nivèl de la socializacion
de la lenga (eslogans e plancardas en occitan, resson radiofonic o informacions
sul sit tot per las 350 000 personas en occitan e francés...) o encara
al nivèl
dels mediàs occitans presents : tot foguèt una brava capitada a de bon.
Los 3 jorns donèron tanben naissença a d'unas causas occitanas, coma
la creacion d'un Movement de reflexion e d’accion altermondialista pendent
un Forum aprovat per mai de 1000 personas presentas (pas forçadament
d'occitans) o encara una cançon titolada "Gararem la Tèrra"
del grop Goulamas'k. La preséncia dels òmes e femnas del país d'òc permetèt
d'autra part de trabalhar de cotria amb d'autras organizacions e de
las rescontrar, luènh de tot corporatisme, per una mesa en comun d'idèas
o de discutidas.
La preséncia occitana foguèt mai d'un còp relevada pels mediàs, nacionals
o internacionals e d'unes mediàs de premsa escricha, radiofonica o televisuala
mostrèron de drapèus o parlèron concretament de la preséncia occitana
sul sit e n'entrevistèron mantunes.
Per son discors de clausura davant mai de 70 000 personas J. Bové
diguèt
qu'"en 73 l'eslogan èra Gardarem lo Larzac e qu'en 2003 seriá Gardarem
la Tèrra" (çò diguèt amai en occitan). L'idèa d'aquel eslogan li
foguèt balhat per d'occitans presents sul sit que li posquèron dire
aquò e discutir de la preséncia nostra sul Larzac en 73 e en 2003.
Capitada doncas! Mas uèi es ja un après-Larzac de 2003: a nosautres
de lo far bèl amassa.
